About Rachelle Greeff

Rachelle Greeff is ’n bekende en gewilde skrywer. Haar kortverhale het reeds die CNA-debuutprys, die Sanlam Literêre Prys, en die RAU-prys vir Kreatiewe Skryfwerk ontvang. Haar werk is ook genomineer vir die Caine-prys vir Afrika-literatuur en haar debuutroman is in Nederlands en Duits vertaal.

Rachelle het ’n graad in die Dramakunde en ’n honneursgraad in Joernalistiek (cum laude) verwerf aan die Universiteit van Stellenbosch. Sy het ook ’n meestersgraad in Kreatiewe Skryfwerk (cum laude) voltooi aan die Universiteit van Kaapstad. Sy het gewerk as Afrikaanse verslaggewer en joernalis voor sy fiksie begin skryf het.